巴士站石屎剝落 投訴始修補
巴士站上蓋石屎剝落，九巴久未維修。陳小姐指出，位於葵涌石蔭北葵涌街市的巴士站上蓋出現石屎剝落，經過多月仍未見九巴派員修補。「石屎剝落唔理佢，求其搵啲油髹下佢就算，根本就係治標唔治本，今日甩呢度，分分鐘聽日就愈甩愈多，排隊等巴士真係好危險！」
乘客促定期保養
九巴發言人表示，接獲上述投訴後深表關注，並已派員作全面檢查，且隨即安排承建商維修有關剝落部分，工程現已完成。
「投訴咗真係有作用，好快就有人嚟補番好！」陳小姐證實，經本報轉介投訴後，有關巴士站上蓋已獲維修，要求九巴日後須加強監察轄下設施，定期做好維修保養工作。