臨近歲末，陷入欠薪危機嘅亞視仍未見曙光。法庭委任德勤兩名合夥人任亞視監管人，並出任獨立非執行董事，主要工作包括協助出售股東黃炳均持有嘅逾一成股份、為亞視尋找行政總裁，同埋與政府商討續牌事宜。由於現任股東不願注資，監管人講到明亞視必須有「白武士」入場打救。講到尾，都係監管機構商務及經濟發展局局長蘇錦樑腳頭唔好，記得去年底有香港電視不獲發牌風波，今年底就輪到亞視爆煲，唔知蘇錦樑會唔會祈求聖誕老人送位「白武士」畀佢呢？
