50米金錢路 怕「執」輸顯百態

在中環中心上班的白領麗人Sandy，全程目睹「搶錢」，她在行人天橋聽見有人大叫有錢執，她探頭一看，見告士打道散滿鈔票，一名駕七人車、穿藍色格仔衫外籍男子，將車停在中線後，即下車彎身執錢，「當時尾隨佢有架客貨車，停下一個紋身漢落車又執，紋身漢最初以為錢係鬼佬跌，於是執起畀番佢。之後鬼佬示意啲錢唔係佢，紋身漢就將錢取走離開。」

社交網大晒「戰利品」

Sandy說，洋漢執錢三、四分鐘後上車，但「未夠喉」，將車停在一旁後落車再執，此時不少途人及有路經車輛見狀，紛紛「唔執輸」執埋一份，最少有十人一起執。據短片所見，有的士乘客跳落車執錢將錢塞入手袋，也有的士司機執錢後即離開，因為有錢仍在箱內未散，有人伸手入內摷，成疊錢拿走，未幾一輛警方電單車駛至，部分人見狀即四散。

此外，有自稱執錢的市民，在社交網站大晒所拾的「戰利品」，有人留言指拾遺不報者「等拉」。另外，據報有一輛旅遊巴上曾有人下車執錢，有網民指「若返咗內地就追唔番」，但警方稱未收到有關資料，不能確定有關消息。

由於短片拍到不只一輛的士停在現場，的士司機劉先生稱，昨午三時他在炮台山取車後，接獲通知該車要助警方調查及套取指模。他稱上一更司機指事發時車上乘客落車執錢，執完就上車往目的地，落車後付了錢便離開，而他並無參與執錢。劉稱，雖無法做生意，但「都冇辦法啦！盡吓責任，警民合作嘛！」