電郵申龕位 華永多甩漏
電郵申請龕位程序疑有紕漏，連累先人無安身之所！華人永遠墳場管理委員會首次接受電郵申請靈灰龕位，有殯儀代理遞交表格後卻被指電郵並未收妥，導致十一個申請未獲受理。華永會否認曾接獲有關申請，更堅稱所有申請皆會獲系統自動回覆。立法會議員直指事件或涉行政失當，要求華永會調查問題癥結，以便堵塞漏洞。
「之前幫啲主人家入紙，零零舍舍有兩日嘅電郵話收唔到，搞到連抽都冇得抽。」經營殯儀服務的蔡先生指出，華永會早前配售柴灣墳場靈灰龕位時首次接受電郵申請，遂為客戶傳出十多封龕位申請電郵，至抽籤時才發現有兩日共四封電郵未獲受理，涉及十一名先人，「係今次擴建先多咗咁多位，有啲家屬已經等咗兩年先有機會抽，搞到佢哋都唔知點算好！」
自動系統電郵 沒提醒勿覆
其後有受影響家屬到華永會了解事件，職員曾解釋事件或因電子郵件供應商不同所致，蔡稱：「只係想有番個交代，但佢個講法真係荒謬，唔通電話唔同台，又會打唔通？」
華人永遠墳場管理委員會發言人表示，柴灣墳場共配售六千九百個新靈灰龕位，接獲的九千多個申請中，逾二千個以電郵遞交，期間曾收到一名殯儀代理查詢。發言人稱，曾處理有關殯儀代理十五個電郵申請，惟另外四個涉及十一名先人的申請，則並非透過指定電郵地址遞交，因此該會並無接獲有關申請。發言人續稱，電腦系統會發出自動回覆確認收妥該電郵，並附連結供申請人透過網頁核對，十個工作天內亦會以信件確認申請。
經記者再三查詢後，發言人始解釋問題出於申請人透過回覆「自動系統」發出的確認電郵提交申請，「雖然係同一個電郵，但因為分流咗，所以收唔到。」
不過，蔡先生反駁，並非每封電郵皆獲自動回覆，「可能三、四日先覆一次，都唔知佢覆緊嘅係邊日啲申請。份表都冇提人唔好回覆個『自動系統』發出既確認電郵，個電郵又一樣，你唔寫邊個知？」蔡又指曾有部分透過回覆「自動系統」發出的電郵申請同被接納，質疑華永會解釋不盡不實。
或涉行政失誤 議員促檢討
「每年新增嘅龕位先得一萬個，但係就有成三、四萬人過身，咁搞法佢哋可能要等多幾年。」立法會民政事務委員會委員梁志祥指出，現時靈灰龕位嚴重供不應求，擔心受影響的先人無安身之所，又指事件或涉行政失誤，認為華永會需盡快檢討而非推卸責任，「跟足晒成個程序去做，但結果就石沉大海，可能係牽涉到技術問題或者人為疏忽，華永會好應該諗吓點堵塞漏洞！」
記者︰呂耀焜