大家都知道香港呢個廉潔城市得來不易，然而，自從貪曾禍港七年，其唯一留下嘅「政績」，如果有，也就是本報為佢度身訂造嘅十字真言──「貪遍省港澳、歎盡海陸空」。事實上，香港嘅「清廉指數」在全球一百七十五個國家和地區近年不斷下跌，今年排行第十七，較去年排名下跌兩位，新加坡排第七位，為亞洲排名最高，換言之，香港嘅廉潔形象，已被新加坡大幅度拋離！
最近前政務司司長許仕仁因貪腐罪成而面臨牢獄之災。特區政府在曾蔭權爵士「管治」下，最叻就係盛產貪腐人物，雙貪所涉及之官商勾結，花臣、情節又特別豐富，可惜廉署「密密實實」，查咗逾兩年仍未有結果，唔好話檢控，連丁點風聲都未之聞也，若然雙貪事件就咁石沉大海「被消失」，大多數市民必然對廉署「肅貪倡廉」嘅信心大幅下滑，今後廉署再拍多多宣傳片都難令市民信服。當然，有論者見到許仕仁嘅下場，相信貪曾嘅大限恐怕也快到，屆時兩位難兄難弟聚首赤柱，未知會是「識貪腐重貪腐」，還是「渡盡勾結兄弟在，相逢一笑泯恩仇」？
怎說都好，香港嘅廉潔形象，一旦雙貪事件沒有個說法，香港「廉潔奉公」嘅招牌必然蒙污。有人說，野蠻戰勝文明，通常非常簡單，比如焚書坑儒，下道收拾「以古非今」、「為妖言以亂黔首」嘅詔令，一把大火，一個深坑，指日竟功。可是，文明改造野蠻，卻是細水長流，千回百折，磨磨蹭蹭，時進時退；誰也說不準哪一天文明之樹才能真正深植不搖。
香港的清廉一朝喪，皆因貪曾一朝之中這麼多高層貪官丟人現眼，廉潔要改造貪腐，端的也靠細水長流；不過調查「絕代雙貪」一日無聲無息，連細水也不流，廉潔這口泉，只能是死水，愈久愈臭！