泛民主派喺立法會財務委員會「拉布」已經搞到建制派怨聲載道，但最近拉到連自己友都扯火。話說尋日職工盟轄下十幾個屬會，包括教協會長馮偉華，佢哋開記者會話希望政府將公務員加薪議案調前審議，等班公務員可以順利加薪。不過，歸根究柢都係泛民「拉布」累事，馮偉華都對此表現無奈，聲言對「拉布」無立場，並一早叫咗教育界議員葉建源唔好參與「拉布」，以免影響近十萬教職員加薪。佢仲話，就算葉建源唔肯加入「拉布」行列，都控制唔到其他泛民議員喎！
