車位淪回收場招怨
「長期都係咁，其他人想喺嗰度搵位泊車都好難，究竟警察有冇做嘢？」居於荃灣的李先生指出，鱟地坊雖設有咪錶泊位，但經常被回收車佔用並經營回收生意，李不滿警方長期未有跟進。
剝削公平使用 市民促警正視
警方發言人指，接獲轉介已即時派員到場了解。據調查所得，上址有回收車停泊在咪錶車位並已繳付費用，而其回收物品亦無阻塞附近行車道。警方會繼續派員巡邏上址一帶，以確保交通暢順和道路使用者的安全。
李先生直指回收車佔用泊位的情況持續，剝削市民公平使用泊車位的機會，要求警方正視。「雖然係入咗錶，但啲車位畀人用咗嚟做生意都唔啱啦！」