公屋住戶人均室內樓面面積低於五點五平方米被界定為擠迫戶，可申請「公屋租戶紓緩擠迫調遷計劃」；人均室內樓面面積低於七平方米住戶可參加「改善居住空間調遷計劃」。自計劃推出以來，擠迫戶數量已由約一萬八千戶減至約三千戶，而室內樓面面積低於七平方米的住戶，則由約三萬四千戶下降至約二萬三千戶。
「如果只係睇數字，個計劃的確幾成功，但其實中間有好多住戶係調極都調唔到！」公屋聯會主席王坤指出，有關政策以擠迫程度作為排序主要因素，惟因公屋大單位一直供不應求，令部分住戶只要擠迫情況未達至最嚴重水平，即使每一期調遷計劃推出皆提出申請，仍會因「唔夠逼」而未能優先揀選單位，「輪到佢哋揀嗰陣，好多大單位都冇晒」，建議房署檢討編配制度，加入「輪候時間」作考慮因素。