隨着金鐘、銅鑼灣的佔領劇終，路路暢通，揸車搵食嘅司機大佬或可舒一口氣，而市民上、下班，學生們返學、放學亦可以不再受塞車繞道之苦！
被指是佔中幕後「黑手」嘅壹淫媒集團前主席於金鐘終極清場時被捕，早前拒絕自簽保釋，迫使警方將其無條件釋放。然而淫賤黎反中亂港深入民心，佢「裸辭」話就話追求「個人興趣」，亦有可能深知自己遲早要「落鑊」！各界強烈不滿他至今仍未正式被落案檢控，有議員就話得啱嘞：呢次係非法佔領，如果對呢個違法行為都唔執法，咁啲人會更加肆無忌憚，香港日後就會萬劫不復。
有道是：天下安，注意相；天下危，注意將。如今香港變成佔領之都、示威之城，進入後佔領時代，反對派及雙學依然要搞不合作運動，甚至揚言會「暴動」、「武力抗爭」，香港難有安定嘅日子！即使有董伯伯口中嘅一流、值得港人驕傲嘅警察，香港或不至於會「危」，可是，「香港亂，注意警」，怕且都唔會點錯！
嗱！警隊一哥曾偉雄日前實牙實齒、口響響明確表示，目標以三個月內，盡快完成有關佔領行動嘅所有調查，並將行動中「扮演主導角色」的人緝捕歸案，其中對組織者更會「花多少少資源去跟進」！講真，如果律政司及警隊一哥有睇《東方》、《太陽》，目標人物喺晒度喇！何須查到明年春暖花開，才緩緩檢控啊！
回歸後香港之所以繼續沉淪，「絕代雙貪」查到今時今日依然只聞樓梯響，不見人下來，就知道特區政府患了領導嘅大忌──議而不決，決而不行！家陣一哥又矢言三個月內盡拘佔中搞手！老朽但願佢唔會係神像拍胸口──沒心沒肺！「香港亂，注意警」，一哥能否「看得到，抓得起」，講得出，做得到，這次是一個真正考驗！