佔領行動正式落幕後，社會圍繞如何制訂或支持年輕人政策嘅討論停不了，大部分都係循循善誘以免激化矛盾。不過，工聯會理事長吳秋北尋日喺電台節目中突然拋出「放棄論」，自言當見到部分年輕人喺政制層面走向極端，用犯法同激烈手段破壞社會同法治，認為社會只好「放棄」佢哋，甚至要對佢哋進行感化、懲教或法律制裁。唔知係咪呢番言論較激，連工聯會資深議員陳婉嫻都撐唔落，表明唔認同有關言論，仲話放棄年輕人只會將佢哋推向另一個極端，唔知吳秋北聽到呢番言論後，會否感到不是味兒呢？
