政情：坐車多行路少 譚志源脹爆

佔領行動歷時兩個半月，一眾高官應該費煞思量點拆彈，但係政制及內地事務局局長譚志源（Raymond）竟然無瘦到仲發咗福。當問及係咪因佔中而要兜路，Raymond笑而不語，但承認最近坐車時間多咗，所以愈來愈肥，並自爆已經肥到舊年套西裝都唔啱着，要重新造過套大一號嘅西裝，而新西裝下星期就有得拎，叫大家唔使為佢擔心。不過，換西裝都只係治標，Raymond話要治本就惟有勤力做gym補數。