運輸及房屋局局長張炳良尋日公布長遠房屋策略，決定未來十年總房屋供應量達四十八萬個單位，其中公營房屋量高達二十九萬個，究竟房委會財政能否承擔，佢坦言確係要面對嘅挑戰。不過，即使房委會有財力，如果無足夠土地建屋都係徒然。其實過去政府已面對土地不足問題，就算落實新界東北發展計劃，都淨係提供五萬四千個單位，單靠增加建屋密度，只會令城市更加壓迫，市民生活質素下降，所以講到底都係要開闢新土地，否則長遠建屋數字都係得個講字。
