政情：24次療程後 阿柱「三得」
立法會社福界議員張國柱（阿柱）十月底證實患上惡性胃黏膜淋巴瘤，隨即向立法會請假兩個月接受治療同休養。阿柱話，上月底完成咗二十四次放射治療，正等待一連串體檢，同時亦有睇中醫、食中藥固本培元，令免疫力得以維持。
阿柱自言依家身體狀況唔錯，每日都食得、去得同瞓得，三、四星期後可能會照胃檢查，並再次多謝各方關心。
阿柱自從證實患病後，一度較少公開現身，但事隔一個多月後，阿柱「復出」頻頻曝光，包括早前趁雙學號召包圍添馬艦政府總部前夕，現身金鐘佔領區拍照留念，又如常出席扶貧委員會會議及立法會相關會議，真係唔講都唔知佢身體不適，希望佢大步檻過啦！