一個人玩嘢，其實都要有啲本事。《水滸傳》寫高俅在發迹之前係個乜嘢人呢？施耐庵如此描述：吹彈歌舞，刺槍使棒，相撲玩耍，樣樣在行，而且還胡亂寫詩書詞賦，比《水滸傳》中絕大多數嘅好漢有文化素養，梁山好漢中，恐怕只有一個浪子燕青具備他的諸多技能。
然而，如此一個能人，卻偏偏缺了一個人的本質素養──仁義禮智，信行忠良！
老朽並非要「說書」，只是覺得玩嘢如此多Fun嘅高俅，尋且因為缺少修養而被諸般調侃奚落！如今，眼前佔領運動兵敗如山倒，一眾學子「某程度上」還不肯認衰，還不肯認真反思，依然要搞風搞雨，年輕人，究竟如何會成為香港明天嘅棟樑？
年輕人把佔領行動升級，阻人搵食，罪大惡極，擾攘社會秩序，搞到市民日常生活失晒預算，叫苦連天；如今又不以民意為依歸，失敗了，不肯認衰，死要面子的以為係「波瀾壯闊」，實質上係青蛙找着田雞──難兄碰到難弟！
之不過，佢哋唔搞「佔領」，又要搞「抗命」，完全唔經大腦又話要「抗租拆稅」，叫公屋租戶月尾交租，又叫納稅人分拆支票交稅，增加稅局稅務行政負擔喎！阿哥，你哋有的是青春、無窮精力，老朽每日仲要為口腹奔馳，呢啲咁無聊低Ｂ嘅玩意，玩唔到政府而玩死自己，留番你哋父母陪你哋癲啦！
整個佔領運動，你們搶在佔中三子、泛民政客前大出風頭，黃毛小子甚至一躍成為「思想家」、「風雲人物」，加上爛果報嘅煽風點火，胡亂鼓吹，一眾學子真以為自己不出來搞搞震，香港就冇得救、就會陸沉？八大校長們，你們懂得乜嘢叫做「當頭棒喝」嗎？唔好話畀老朽聽「抗租拆稅」，呢啲又叫做「創意」！