垃圾桶損毀多月未更換

居住元朗東頭圍村的陳先生表示,村口垃圾站有多個垃圾桶損毀,包括三色回收垃圾桶,不滿食環署多月來一直未作更換,「啲垃圾桶爛咗幾個月都冇人換,明明日日都有人嚟清垃圾,點解見到都唔做嘢?」陳指垃圾桶損毀會影響環境衞生,要求食環署盡快更換。

食環署唔踢唔郁

食物環境衞生署發言人表示,接獲轉介後隨即派人巡查,發現該垃圾站有回收桶損毀,並已更換損毀回收桶。該署亦訓示職員及承辦商,如發現回收桶有任何損毀,應盡快報告,以便進行維修或更換。

「要人提先識去換,佢哋應該要加強員工同承辦商人員嘅衞生意識!」陳先生指垃圾桶損毀會招引蛇蟲鼠蟻,影響衞生,認為食環署應加強留意有關情況。

第一手消息請下載on.cc東網iPhone/iPad/Android/Windows Phone Apps