探射燈：鬧事滋擾 居民敢怒不敢言
佔領運動以來旺角區罪案率增加，加上「鳩嗚團」晚晚在區內搞事，除了造成滋擾，居民也擔心自身安全。油尖旺區滅罪委員會主席陳少棠坦言，旺角居民和商戶日復日受到滋擾，敢怒不敢言，又苦無自救辦法，惟有聽天由命。
「尤其是佔領運動初頭最擔心。」陳少棠指，這兩個月來大批警員在旺角各處布防，路面上的治安尚可，但室內罪案如爆竊等有上升迹象，「做緊外牆維修嘅大廈一向比較多，其中一棟最近連環畀人爆竊咗三次。」惟有寄望警方在清場後的旺角加緊巡邏。
商舖職員 表不滿遭報復
陳指，幾乎晚晚都有「鳩嗚」人士喧嘩鬧事，對居民造成滋擾，「幾百人喺屋企樓下行嚟行去，有居民覺得煩厭，仲隨時畀人以為係『鳩嗚團』一分子，拉埋返差館！」他指，曾有不滿的商舖職員指罵「鳩嗚」人士後遭報復，令其他商戶紛紛「唔敢出聲」，「依家次次見親班人都落閘，無謂招呼佢哋。」