商戶未安心：鳩嗚恐怖過佔銅
【本報訊】雖然銅鑼灣佔領區將於明日清場，惟該區商戶在過去七十多天佔領運動卻元氣大傷，生意額大跌，面對即將來臨的聖誕節及除夕消費旺季，不少商戶已作最壞打算。有商戶坦言，即使警方清場，但不排除佔領人士會以「鳩嗚」（購物）形式搞事，一旦「鳩嗚」來襲，隨時比佔銅更可怕，無奈店舖早已為聖誕節入貨，只有硬着頭皮應付。
「周五六日嚟搞仲大鑊」
「之前佔領咗呢度兩個幾月都唔驚，但依家又話搞『流動佔中』，對我影響會好大，如果星期五、六、日先嚟搞就仲大鑊！」在銅鑼灣渣甸坊擺檔賣衣服的梁先生表示，早前的「佔銅」只是霸佔了軒尼詩道的行車線，最多影響交通，生意仍能維持，但假如「鳩嗚大軍」前來騷擾商戶，或觸發毆鬥事件，便會很麻煩，因為這些流動人士隨時會進入後街，影響檔口做生意。
該區士多老闆王先生亦指，佔領運動令其生意額下跌三成，「以前夜晚十點關門，依家八點已經冇生意做。梗係唔想見到呢啲情況（鳩嗚）發生，如果平安夜佢哋都嚟，都唔知點算好！」