佔領行動經過七十幾日，除咗銅鑼灣佔領區仲未清拆外，運動大致上已經結束。不過似乎有人唔係好甘心，好似佔中三子之一嘅戴耀廷尋日再次放話，如果政府處理唔好政改問題，稍後推出嘅政改方案未能回應市民訴求時，香港隨時有機會發生暴動。嘩！戴耀廷講到咁嚴重，似乎係靠嚇，唯恐天下不亂喎！老實講，依家每當班示威者想搞事，警察即刻用胡椒噴霧、警棍加催淚彈驅散示威者，又點會任由事件變成暴動咁失控？戴耀廷無啦啦咁講，係咪暗示想搞第二輪佔中呢？
