立法會尋日繼續討論由新民主同盟范國威（Gary）提出、要求政府制訂政策時需以「港人優先」為依歸嘅無約束力議案。建制派議員批評議案背後存在極為保守、狹隘嘅本土主義，又鬧爆Gary同公民黨毛孟靜（盲毛）將內地妖魔化，挑起港人仇視情緒。
Gary嘅議案最後一如所料被否決，連埋佢自己只得四票贊成，而反對票就多達三十一張。連毛孟靜在內四名議員提出嘅修正案亦全軍覆沒。雖然議案唔通過早已在意料之中，不過輸得咁慘都好少見。唔知Gary同盲毛會唔會反省吓，點解佢哋咁唔受歡迎呢？
