五名泛民議員收取壹傳媒集團主席黎智英巨額捐款，立法會議員個人利益監察委員會(CMI)查查吓無下文。立法會早前成立專責委員會調查廣深港高鐵香港段延誤及超支問題，因為涉及專業技術同法律問題，亦唔知幾時先有結果。不過，尋日CMI開會修訂處理投訴程序時，竟在無反對情況下極速通過。
CMI尋日公布早前就放寬處理投訴程序諮詢議員結果，並通過多項建議，包括同意披露投訴人身份、唔接受議員七年以上漏報事件、無須披露共同擁有金錢利益，以及無須在另一委員會再次披露有關利益。
睇番CMI諮詢議員結果，五十名議員都同意修訂，三名議員唔同意或無意見。
林健鋒同易志明都表態贊成修訂，范國威就完全冇表態。於是短短半個鐘就通過上述修訂。議員監察政府就玩「不合作運動」，講到監察自己就隻眼開、隻眼閉，呢啲咪叫做雙重標準囉！