政情：中環出更：種族衝突嚴重 名人感同身受
美國種族衝突引發各地示威浪潮，身在香港嘅名人都好關注，其中保良局副主席陳細潔（Abbie）透露，日前致電喺波士頓嘅友人問好，得悉對方安全後大感放心，不過友人感到美國最近「立立亂」，出街時提心吊膽，又怕校園槍擊案或會波及子女，正打算返港暫避。
喺美國有健康食品生意嘅美國家得路集團執行董事兼總裁陳家偉（Calvin）都關注事件，憶述當年留學加州，有次去快餐店排隊買包時，當地店員竟然當佢透明，佢即刻追問原因，而對方講到明話唔想招呼佢，佢事後諗番起都好無奈。
陳光明留學加國被排斥
初中後留學加國嘅中央政策組特邀顧問陳光明，都試過畀外籍同學排斥，但佢冇氣餒，更主動融入對方嘅圈子，及後去美國波士頓升讀大學時仲勤練球技，最終獲加入美式足球校隊，與不同種族同學打成一片。
卓妮