旺角清場後，特首呼籲市民多啲落佔領區消費，豈料大批市民隨即「響應」，連夜聚集佔領區一帶高呼「我要鳩嗚（「購物」普通話音譯）」，有乘機「光復」佔領區之嫌。不過，立法會進出口界議員黃定光（象哥）最心水清，佢批評示威者喺「購物」問題上混淆視聽，作為業界「我哋有營業時間」，出現深夜嘅混亂場面，明眼人一睇就知係佢哋借題發揮，仲話「係咪購物，全港市民心知肚明」，似乎係人係鬼都逃唔過象哥嘅法眼喎！
