被指係佔領行動幕後黑手嘅壹傳媒肥佬黎，唔單止連日喺金鐘「皇座」據點抽水兼扮指揮，可惜無人「聽佢支笛」，點知尋日仲突然撰文促請示威者撤退，聲稱保留實力，又再次「擺學生上枱」，點名指「雙學」代表應該勇於承擔歷史責任喎！多名建制派議員都炮轟肥佬黎「神又係佢，鬼又係佢」，更形容肥佬黎係香港陷入撕裂局面嘅千古罪人，促請黎立即「收手」並向警方自首。肥佬黎講過話會「跟大隊」自首，如今佢叫得示威者撤退，咁佢係咪應該先去自首承擔歷史責任呢？
