民航處處長羅崇文領導嘅處方「大花筒」事迹愈揭愈多，最近兩份審計報告再揭露民航處有「十宗罪」，運輸及房屋局局長張炳良率先開腔指相當關注事件，已責成民航處糾正有關問題，最新連立法會政府帳目委員會都「開檔案」，鐵定喺下月九日全日進行公開聆訊。羅崇文喺處方「十宗罪」曝光後未曾親自解畫，只曾有民航處發言人喺接受查詢時話會加強內部管理，正所謂「避得一時唔避得一世」，羅崇文今次都難逃被公審嘅命運嘞！
