政情：屯門河「清場」 難過清佔領？

佔領行動持續不散，最近更擴散至佔領屯門河？屯門區議員陳雲生喺社交網站上載多張相片，指橫跨屯門河上嘅數條行人、行車天橋底，泊滿晒舢舨、龍舟、僭建浮台等（圖），其中有違泊者更借橋底固定船身，擔心會影響天橋同河肩結構，甚至威脅居民生命安全。陳雲生話，佢曾就此向土木工程拓展署、路政署、海事處等部門反映，可惜情況至今未改善之餘，仲有惡化趨勢。難怪佢借題發揮話，唔通佔中清場難，佔河清場也難？