落手快閃 傷者看不清兇徒面容
【本報訊】連鎖快餐店集團大家樂兩間分店，昨午半小時內先後遭淋鏹施襲，其中在慈雲山毓華街廿三號的分店，有三名女職員被鏹水灼傷。其中一名受傷姓陳女職員仍猶有餘悸：「當時做緊嘢，睇見個中年男人拎住『水泥盤』，裏面唔知裝住啲乜，排緊隊時唔聲唔聲就潑出液體，快到睇唔到……」陳指事出突然，她亦看不清該男子樣貌，事後只感右手臂刺痛，且現紅點。
不知是否店舖常客
左眼及頸部受傷的姓蘇女職員亦稱，當時看不清施襲男子的樣貌，故不清楚他是否為店舖常客；事後她與另外兩名受傷女職員即時用清水清洗傷口，隨後送院治理。
事發時在新蒲崗大有街卅六號華興工廈分店內用膳的陳先生稱：「見唔到發生咩事，之後先知經理畀人淋，仲有女人同細路（中招）！」附近生果舖老闆陳生則表示：「點幾鐘睇到幾個人喺快餐店後門衝出嚟，有大有細，後尾先知有人淋鏹水！」陳對此感到愕然，惟未見有可疑男子從後門走出。
「鏹魔」施襲後，街坊陳小姐坦言「聽到呢單嘢好驚，有陰影囉！相信一段時間都唔會去大家樂食飯。」但另一街坊蔡小姐則認為：「要發生嘅總會發生，係避唔開嘅！」不會為此刻意迴避。