當初由佔中演變成佔領行動後，佔中三子之一嘅朱耀明（朱牧）突然退下火線，直到日前似乎按捺不住，接受傳媒訪問爆料，坦承曾經「瞓身」促成學生與政府對話，但學聯態度令他大惑不解，最終談話破裂也令他「碌爆人情卡成為廢人」；仲話依家佔領行動已失去方向，對前路感悲觀喎。其實朱牧又點止碌爆人情卡吖，佢同另外佔中兩子戴耀廷同陳健民發起佔中「去飲」後，對本港經濟及民生造成重大損害，損失難以估計，實情係佢碌爆埋香港張卡至真，最後難為納稅人找數，又何止做「廢人」咁簡單！
