建築物料阻路 窒礙車流
任職司機的林先生不時在灣仔「搵食」，發現史釗域道經常被放置環保斗，有礙車流暢通，質疑此舉有違法例。「呢頭時不時有舖頭轉手，之後又要重新裝修，加埋好多舊樓都要維修，啲人貪方便就喺馬路度放個環保斗，仲有啲建築用料亂咁丟，結果搞到冇咗一邊線！」
警稱造成危險即時執法
警方發言人證實，由今年初至今共接獲六宗相關投訴，並已即時處理，而接獲轉介後亦有派人調查，惟沒有發現。
發言人解釋，根據《簡易程序治罪條例》，如無合法權限或解釋而直接或導致陳列或留下任何物品，而實質或可能對公眾地方的行人、車輛造成阻礙甚至危害，可判罰款或監禁。發言人強調，如環保斗嚴重阻礙或對公眾造成即時危險，將即時執法。