政情：公民講場：佔區蟲鼠一窩 肥佬黎罪魁

佔領行動持續近兩個月，連日喺金鐘佔領區「皇座」據點「抽水」兼扮指揮嘅壹傳媒老闆肥佬黎，不但冇人「聽佢支笛」，早前更激起公憤遭人淋屎尿、掟豬雜，搞到佔領區臭氣熏天，人人作嘔。點知更加惡臭嘅係，肥佬黎被踢爆連日三會黑幫人物「刀疤剛」，更有消息話各股江湖勢力已開始紛紛踏足佔領區，而日前有聲稱支持佔領行動嘅暴徒喺網上號召衝擊立法會大樓，令形勢更錯綜複雜，隨時招致腥風血雨。再加上立會連日因佔領妨礙清理垃圾而出現「蟲鼠一窩」，配埋一身屎尿豬雜惡臭嘅肥佬黎，佔領區真係搞到烏煙瘴氣，恐怕遲早爆發傳染病同疫症。