政情：曾鈺成座駕泊中信時租位

通往立法會停車場嘅添美道仍然被佔領人士霸佔及堵塞，立法會議員除咗將座駕停泊喺附近合法車位外，就要違泊喺中信大廈對出迴旋處旁嘅行人路上。早幾日就有議員大呻疲於奔命搵車位，仲話迫於無奈先至違泊兼硬食「牛肉乾」喎！不過，我哋前日就發現立法會主席曾鈺成嘅主席座駕停泊咗喺中信大廈停車場時租車位，仲泊足成日，認真守法。現場所見，其實仲有好多泊位剩，究竟係咪啲議員太急趕返立法會，所以貪方便違泊呢？