香港總商會行政總裁袁莎妮（Shirley）平時好鍾意透過社交網站同外界聯繫，日前佢就上載近二十年前、有佢「嘜頭」嘅地區報章剪報。當年初出茅廬嘅Shirley已經出任署理東區政務專員，樣子清秀，但相隔多年居然同依家相差無幾。
一九九一年已當選東區區議員嘅立法會議員鍾樹根憶述，當年Shirley只係妹一名，仲記得某年端午節東區龍舟競渡大賽，Shirley獲安排坐喺時任東區區議會主席陳炳煥隔籬，有嘉賓唔識當年未成名嘅Shirley，以為Shirley係陳炳煥個女添！難怪當年嘅報道已經以Shirley「外貌與職銜不相稱」為題喇。
（互聯網）
