上水：地舖霸路擺貨阻行人
上水龍琛路平日人流極多，加上有店舖經常將貨物擺放於店外，令行人舉步維艱。居民張先生更指龍豐花園地舖有藥房常將貨物放置行人路上，嚴重阻塞行人通道，「佢哋為咗做生意就將啲貨放晒出嚟，同食環署投訴咗好多次，但問題都係冇改善！」張要求食環署加強票控以提高阻嚇力。
食署：僅放置店外私人地方
食物環境衞生署發言人表示，過去一年接獲二十二宗相關投訴，該署每日皆派員巡查上址一帶，並按實際情況採取適當行動。職員最近巡查時，發現有關店舖將貨物放置在店舖外私人地方，並無擴展至公眾行人路上。該署已安排潔淨服務承辦商清掃上址，以保持環境衞生。
「有啲貨放咗出行人路，有啲仲放咗喺單車徑嗰邊，加上啲客圍晒喺度買嘢，搞到好多人都要喺單車徑上面行！」張先生不滿食環署職員沒有嚴厲執法，變相縱容店舖為求賺錢而罔顧行人安全。