政情:公民講場:肥彭又搗亂借美唱衰英

自從英國早前與中國簽訂價值過千億元嘅合約後,英方都唔敢對香港政改或內部事指指點點,但「末代港督」彭定康(肥彭)就繼續唔斷氣咁喺背後搞風搞雨,月前已透過英國報章撰文批評英國無為香港民主發聲,可惜連佢家鄉英國都無佢咁好氣。點知肥彭無所不用其極,「勾結」外國勢力,透過視像會議喺美國國會一個聽證會上評論香港佔領行動,甚至「唱衰」家鄉英國,指英方有責任為香港政制發聲喎。究竟肥彭想點呢?莫非同英方「扯貓尾」,分別飾演黑白臉,企圖喺香港政改問題上搞搞震?