有保育團體表明唔贊成擴建三個垃圾堆填區，其中土地正義聯盟前日仲聲稱，立法會議員石禮謙（大舊石）及吳亮星（星爺）疑喺有關工程當中涉利益衝突，認為二人喺審議有關撥款時需要避席。
我哋尋日喺立法會財務委員會開會前夕，就見到環境局政治助理區詠芷喺會議室門外同二人密斟，唔知係咪傾緊利益衝突單嘢呢？大舊石事後就講到明「天不怕、地不怕」；星爺亦話對指控一笑置之，認為有人作大、無事生非喎。
