政情：雙料升職 黃楚恒滿腹大計
香港中成藥商會年輕化，家族代理北京同仁堂中成藥嘅黃楚恒（Stanley）接棒做會長，以三十九歲之齡坐上呢個位，係該會歷來最年輕會長。Stanley同時升做中華總商會青年委員會主席，可謂雙料升職。
接棒中成藥商會會長
來自中藥世家的Stanley，係泉昌董事副總經理，佢從小耳濡目染，對中藥特性琅琅上口。爸爸黃光漢在○二年創立商會，叔父亦做過會長，如今由佢接棒，分外有感情。上任無耐，Stanley已滿腹大計，話業界關注坊間有健康食品未有註冊成藥品，將聽取業界聲音，研究是否要求健康食品註冊，與中成藥睇齊。
對得中藥多，Stanley都係半個專家，笑言感冒時會飲板藍根沖劑，喉嚨痛時又會「啪」幾粒牛黃解毒片，但就好少食燕窩、蟲草或靈芝，因為仲後生嘛。黃媽媽黃周娟娟就靠茹素多年養生，唔食補品，皮膚一樣白滑有光。