監警會職責係獨立監察市民對警方嘅投訴，點知因為部分委員對佔領行動有唔同立場，搞到接獲一萬三千幾宗投訴，投訴人最擔心啲委員喺處理涉及佔領行動個案時唔公平。主席郭琳廣尋日就話監警會二十四個委員，雖然有唔同嘅背景同專業資格，但就拍心口相信佢哋嘅人格，會獨立、公平、公正處理啲投訴喎！不過，依家唔係郭主席相信委員就得，而係過萬市民信唔過佢哋，況且撐佔領嘅立法會議員梁繼昌同反佔領嘅大律師馬恩國都未必相信對方啦！
