佔領行動已持續第五十二日，警方話會喺今日清場，更打算先向中信大廈出入口埋手，然後再去旺角清除障礙物。不過，大家係咪覺得呢啲說話好熟口熟面呢？無錯！其實呢啲講法喺過去個多月已經流傳過唔少次，但次次都唔成事，搞到佔領者由最初對清場消息好緊張，到現時已經無乜感覺，清場消息早已變成「狼來了」，唔知會否因為咁而令佔領者今日疏於防範呢？
