高佬賢話畀拉布嚇親
三名議員中，高佬賢係新人，冇理由表現咁差？原來佢上年度本來想動議辯論特首《施政報告》中提出檢討農業政策，點知由四月辯論預算案開始就一直「拉布」，所以嚇到佢唔敢提。高佬賢已經叫助手入咗紙，明年一月提出議案，促請政府關注農業發展。
其餘兩人都係議會老手，其實發叔一向都係立法會「四大懶蟲」之首，除咗去年十二月提出將大浪西灣剔出郊野公園決議案，自九一年有紀錄以來，都未曾提出過議員議案，都算係政界「奇葩」。至於主力業界議題嘅大舊石，就話自己有提過議案，只係抽唔到。但點解秘書處無紀錄？大舊石就話要問助手，又話考慮動議辯論教育政策。