生死半秒 猶有餘悸
【本報訊】「零點五秒就直插落下面，胸口好痛，成身泥，嗰陣個腦一片空白，定過神之後先知驚﹗」經歷恐怖行路跌落窿的陳先生，憶述驚險一刻猶有餘悸。他指每天駕車到銅鑼灣上班，昨泊好車後徒步返回公司時遇上意外，能檢回一命實在好彩。他坦言：「日日都咁樣行開嗰條路，一向都好正常o架，點估到佢突然會下陷，路陷前完全冇先兆、無異常，根本都反應唔過嚟就跌咗落去，避都冇得避。」
他又指，跌入窿後感到全身痛楚，由於太深，無力爬回地面，只能大聲叫救命。初時無人知其墮洞，過了數分鐘才有途人聽到其求救聲，並將一條尼龍繩掟入洞讓其抓住。可惜，他仍無法爬回路面，最後由消防救出。
怕年邁母擔心 隱瞞遇險
陳形容事故非常離奇，並說：「條路唔應該發生啲咁樣嘅意外，可能同隔籬地盤有關。」他指家人及妻子知他出意外非常擔心，幸無性命危險。不過，為免同住的年邁母親擔心，暫時不敢將意外告知老人家。他估計自己需要留院幾日，只好找其他理由暫時瞞住母親，直至出院才告知她曾經遇上一劫。