政情：馬逢國憂清場毀「藝術品」

佔領行動持續至今個多月，佔領區現場有唔少手作工藝，例如金鐘除咗有好多帳篷，仲有木板做嘅手持雨遮巨人及獅子山模型等，變成佔領者展示創意手作的場所，但係呢啲係咪藝術品，就好值得商榷。曾被業界批評「不代表我」嘅立法會體育、演藝、文化及出版界議員馬逢國，早幾日失驚無神去信警務處及民政事務局，希望當局清場前早啲通知「藝術品」創作人，睇吓可唔可以自己攞走或者幫手暫存喎！馬逢國今次為創作者出聲，唔知係咪補鑊呢？