扶手電梯停用 未貼通告
戶外自動扶手電梯「有得睇、冇得用」！吳小姐發現港鐵東涌站連接東薈城商場的露天自動扶手電梯被圍封，但現場並未見展示任何工程通告。「封住咗冇得用，但又唔見有人維修，究竟咩事？」
管理方指多次維修無改善
太古地產管理公司發言人表示，上述電梯過去不時受惡劣天氣影響而需多次維修，惟情況未有改善。為保障市民安全，有關電梯已暫停運作。市民只需步行數分鐘，便可從商場內的自動扶手電梯及升降機抵達上層同一位置。
「有原因要停用，應該貼張通告解釋清楚，畀人清楚知道！」吳小姐希望有關管理公司予以改善。