富昌邨高空擲物頻擾民
樓上高空擲物，樓下慘變垃圾屋！深水埗富昌邨過去數年來先後發生多宗高空擲物事件，廚餘、電芯，甚至女性用品等皆從天而降，平台淪為垃圾崗，令低層住戶飽受滋擾。有居民指早前更發現有人擲下大型電器和廚具等，威脅居民安全。地區人士批評房署多年來一直無力根治問題、處理手法被動，要求加強執法，保障居民安全。
「啲垃圾積晒喺平台，搞到我屋企好多蚊，仲一陣陣臭味！」富昌邨富誠樓低層住戶長期受高空擲物滋擾，其中梁女士便指單位對出平台變成垃圾崗已久，更產生蚊患，需在家中長期點燃蚊香驅蚊，「房署每隔十日就派人嚟掃垃圾，但就冇用水洗，啲污漬繼續喺度，清完啲人又掟過，總之沒完沒了。」梁女士要求房署正視問題，施以根治之法。
曾張貼通告 阻嚇力不足
記者視察當日，發現一樓平台布滿膠袋、煙盒、紙巾等雜物，至於邨內各座樓宇皆有多層橫樑掛有垃圾，狀甚惡心。
「好多雀仔會喺地下搵食，因為成日有廚餘倒落街。」富昌邨居民服務中心總幹事李炯指出，房署曾張貼通告，呼籲住戶切勿違規，惜阻嚇力有限，問題更愈趨嚴重，早前便有大型煮食用具從天而降，威脅居民安全，「今年四月掉個煲落嚟嗰陣已經同房署講，叫佢裝天眼，但佢一路都冇回應。」
富誠樓互助委員會主席梁達華亦批評房署態度被動，「投訴一次佢就嚟清一次垃圾，之前裝過天眼，裝裝吓又冇做。有投訴就過嚟清垃圾即係頭痛醫頭，腳痛醫腳啫。」
房署發言人稱富昌邨曾獲配高空擲物系統（即天眼） 監察邨內情況，今年五月開始則獲配備一套流動數碼化監察系統，亦有偵查屋邨高空擲物特別任務隊定期到邨內協助監察。此外，富昌邨辦事處已在邨內當眼處張貼海報等，提醒居民高空擲物會按「屋邨管理扣分制」被扣分，嚴重者會被終止租約。
兩年48宗投訴 僅1宗檢控
發言人稱，過去兩年共接獲約四十八宗懷疑高空擲物的投訴，但只有四名違規住戶被扣七分，其中一宗被成功檢控。
公屋聯會主席王坤指傳統天眼位置固定，而流動數碼化監察系統則由特遣隊人手操作，能針對性監察擲物黑點及「目標住戶」。王坤認為，每邨配備一套流動數碼化監察系統已能符合要求，但房署執行時需加強主動性，適時轉換系統監察位置，確保屋邨每處皆受監察。
記者：呂諾君