佔領行動持續個幾月，無論支持或反對，市民總有自己睇法。早前有晚大約七點半鐘，我哋就遇到霍英東家族後人霍震宇一個人輕鬆行中環ifc商場間超市，話咁快買咗啲朱古力及零食離開。我哋趁機問佢有冇受到佔領行動影響？佢笑笑口話冇，但睇嚟佢好關心佔領區情況，反問：「啲帳篷有冇人瞓o架？」然後又以懷疑嘅口脗話：「好多喎！」其實佢咁有求知欲，點解唔親身落去睇吓呢？見佢對佔領咁有興趣，於是順勢問佢點睇呢場佔領行動啦，點知佢突然好似大師上身咁話：「當睇場波囉！」吓，咁即係點呢？
