大埔：旅遊指示牌 錯處多失禮
「有咩理由一個旅遊指示牌錯咁多嘢都仲敢擺出嚟，真係失禮晒！」大埔居民阮小姐指區內近日有多個新豎立的旅遊指示牌，其中設於廣福邨巴士站附近的指示牌卻出現多個錯處，如「吐露港」變「吐路港」，「Plover Cove Road」（寶湖路）則變成「Plover Cover Road」等。
民政處要求承建商更正
韋太亦發現大埔中心巴士站附近的指示牌出錯，顯示大埔元州仔公園佔地二萬公頃，惟根據大埔區議會網頁資料，大埔區由大埔及西貢北兩個區域組成，佔地約一萬四千八百公頃，「大埔區都係得萬幾公頃，有咩理由個公園起喺大埔入面，但係仲大過成個大埔？」
大埔民政事務處證實，有關指示牌為大埔區議會推展的地區小型工程，職員早前驗收時已發現指示牌出錯，即時要求承建商遮蓋指示牌及更正，由於指示牌仍在驗收階段，承建商有責任修正並承擔一切費用。