柴灣熟食中心 通道擺滿枱 食署零執法
有市民發現柴灣市政大廈熟食中心食肆經常在晚市佔用行人通道及升降機位置擺放桌椅經營，擔心一旦遇上火警將有礙逃生。消防處雖證實走火通道遭雜物阻塞，但食環署竟視而不見，一年來「零檢控兼零警告」。立法會議員狠批食環署「自己地方都管唔掂」。
「每逢星期六、日同假期呢度都爆晒棚，佢哋就會連走廊同電梯口都擺埋枱，搞到行都冇路行！」周先生不時到柴灣市政大廈熟食中心晚膳，發現有食肆常於假日晚市佔用通道及電梯位置經營，由於食客眾多，擔心一旦發生意外將有礙逃生，「唔計電梯，呢度得一條路出入，咁塞法火燭起上嚟咪一鑊熟？」
「食環署辦公室喺樓上」
周先生直指多年來從未見有食環署職員巡察，認為食環署未有做好本分，「市政大廈明明就係食環署地頭，佢哋啲辦公室就喺樓上，點解都好似無王管咁？」
記者曾於周末晚市時段實地了解，發現涉事食肆於晚上八時經已爆滿，不少食客被安排到擺放於行人通道的桌椅就坐，而通道則因擺放了多張枱及櫈，導致通道收窄，僅能容一人通過，至於升降機附近亦有兩枱食客，乘搭電梯人士出入皆要穿插其中，造成混亂。
消防處發言人證實，接獲轉介後曾作巡查，發現涉事食肆在通往樓梯的公共走廊擺放椅子，已隨即發出「消除火警危險通知書」，其後巡查時有關物品已被移走，及後四度覆查，未有再發現有雜物阻塞消防通道。
食署：未發現非法擴充
食物環境衞生署發言人則承認，過去兩年曾接獲相關投訴，惟過去一年並未向涉事熟食中心檔戶提出任何檢控或警告信，強調職員每天皆會巡查涉事地點，經轉介後亦曾派員在不同時段巡查，亦未有發現檔戶非法擴展營業範圍。發言人補充，如發現熟食中心檔戶非法擴展營業範圍而造成阻礙，一般會先發出口頭警告，如無效則會提出檢控，一經定罪可被罰款五千元。根據現有條款，如半年內接獲三封警告信而未有改善，租約將會被取消。
「出面啲食肆阻街就執得咁嚴，自己管理嘅地方竟然成年都零執法、零警告，有咩理由（食環署）日日巡都話冇發現？自己啲地方都管唔掂，唔怪得食環署啲效率咁差啦！」立法會食物安全及環境衞生事務委員會委員王國興認為，零檢控反映食環署巡查不力，要求當局盡快檢討現有工作，設法全面改善轄下設施的管理。
記者︰呂耀焜