月入十萬以下不准申請
做得政助，人工都有番咁上下，養車絕無難度，但因為人工未達十萬元呢個「門檻」，政府體系內就冇資格申請政府車位。據聞現屆政府最少有四位政助係有車一族，民政事務局政助徐英偉就係其一。好彩上有政策、下有對策，唔少政助已向其他月入十萬元以上嘅冇車同事埋手，問佢哋借車位。
因為合資格嘅高級公務員，可以將車位抽籤機會推薦畀其他人，經審批後就可轉讓。不過，好景不常，班政助近日有車位都冇用，因為行政署決定應對佔領行動情況，禁止所有AM車（政府專用車）以外嘅車輛駛入政府總部停車場。其實行多兩步路既健康又環保，況且一眾政助知名度低，就算行路返政總，佔領人士都未必認得佢哋啦！