政情：有相為證：詹培忠神秘現身廉署

有「潮州怒漢」之稱嘅立法會前金融服務界議員詹培忠尋日神秘現身北角廉政公署總部，中午十二時，詹乘私家車進入廉署總部大樓，落車後由三名調查人員陪同下直接往大堂接待處登記，期間詹不時取出手機觀看，表情嚴肅，之後乘電梯上樓。

逗留約半小時後，詹喺一名男子陪同下離開，佢表現輕鬆，被問及去廉署嘅目的時，佢話：「冇，冇咩嘢，有啲投訴啫，案件就唔方便講喇！」記者問案件是否立案，佢就話：「未咁快，單嘢未必成立。」之後匆匆離開。

消息指，詹培忠係應專責調查私營機構案件嘅組別邀請前往廉署，但由於只逗留半小時，故相信並非拘捕，而係提供資料。而廉署發言人表示，不會作出評論。