政情：公民講場：搵人代勞上京 肥佬黎遭圍插

佔領行動處於膠着狀態，學聯話派人遠赴北京直接向領導人表達意見，但尋日壹傳媒老闆黎智英（肥佬黎）竟然話學生上京無乜風險，仲話如果被中央拘捕仲好，隨時可以引發五十萬人上街喎。肥佬黎呢番言論當然捱轟啦，立法會議員梁美芬同蔣麗芸齊齊向肥佬黎發炮，狠批肥佬黎陰毒、思覺失調、無道德，質疑點解肥佬黎自己唔上京，反推學生去死。所以話呢，肥佬黎到底係咪想借學生上京被拉，谷市民上街攪亂香港，真係一清二楚。