灣仔：鐵騎後巷違泊 易生意外
「放咗咁大個牌寫明會拖走架車，證明警方已經知呢度係違泊黑點，但係啲車主都照泊，咁即係阻嚇力好有限啦！」於灣仔區工作的洪先生不時行經謝斐道，發現常有電單車駛經行人路到後巷停泊，擔心人車爭路時或會釀成意外，「灣仔晏晝同放工時間人流咁密，依家啲人行街又掛住望部電話，分分鐘會有日出意外！」
首十月已發77張告票
警方發言人證實，由今年初至十月底共接獲四宗相關投訴，期間共向違例停泊的車輛發出七十七張定額罰款告票。發言人同時承諾將繼續留意上址情況，必要時採取執法行動。
洪直指情況未見改善，促警方嚴加執法確保行人安全，「好多電單車司機都係見縫插針，邊度有位就泊去邊，當正條街係免費停車場，希望警方睇實啲，等到有意外先補鑊就乜都遲！」