政情：公民講場：佔領好「戴」挈 港病入膏肓

超過五百多名醫生早前登報聯署，指佔領行動持續嚴重影響民生，形容佔領行動就好似癌細胞要盡快切除。有份參與聯署嘅港大外科學系主任盧寵茂尋日再出招，以手術比喻佔領行動，指一個病人如果做咗三十幾日手術，可能流血不止，即使手術成功，病人都已死，認為香港依家就好似病人一樣，再堅持佔領對香港無好處，希望大家拎出勇氣結束佔領。不過，「佔中」發起人之一戴耀廷就未必咁諗嘞，被視為交通「大動脈」嘅三個佔領區主要幹道仍然被佔據，各方似乎都係自求多福嘞！